ԵՆԿ ՀԿ-ն ՄԱԿ-ի Բնակչության հիմնադրամի հայաստանյան գրասենյակի հետ համատեղ իրականացվեց «Մարդասիրական աջակցություն արցախցի ընտանիքներին» նախաձեռնությունը, որի շրջանակներում մեկ ամիս շարունակ կենտրոնի պատանիների համար կազմակերպվեց դասընթացների և ակումբների շարք՝ նպաստելով Գյումրու և Արցախի մշակույթային արժեքների փոխանակմանը:

Գյումրեցի և արցախցի պատանիների և նրանց ծնողների համար իրականացվեց «Արցախյան համեղ խոհանոց» նախաձեռնությունը, որի շրջանակներում պատրաստվեցին արցախյան ժենգյալով հացը, փախլավան և գաթան:  

Անցկացվեցին «Արագ արձագանք արտակարգ իրավիճակներում», «Առաջին բուժօգնություն» և «Մեդիագրագիտություն» թեմաներով դասընթացները արցախցի և գյումրեցի պատանիների և «Դրական ծնողավարում» թեմայով դասընթաց՝ ծնողների համար:

Յունիսեֆ Հայաստանի կողմից տրամադրվեցին ամանորյա փաթեթներ «Գյումրու և Սպիտակի երիտասարդների տուն» բաց երիտասարդական կենտրոնների արցախցի, գյումրեցի և սպիտակցի սաներին, ինչպես նաև նվերներ հանձնվեցին 10 տարեկանից բարձր արցախցի պատանիներին:

Այս ամսում անցկացվեցին ռուսերենի և անգլերենի կրթական ակումբները, որոնք նպաստեցին սաների լեզվական հմտությունների բարելավմանը:  

Իրականացվեցին «Ձեռքի աշխատանքների» և «Օճառագործության» աշխատարաններ, որոնց ընթացքում արցախցի և գյումրեցի պատանիները պատրաստեցին ամանորյա զարդարանքներ և բնական հումքից ձեռքի օճառներ, որոնք ներկայացվեցին LOFT Gyumri-ում կազմակերպված ամանորյա տոնավաճառին:

Այս ամսում պատանիները ունեցան շրջայց Ավետիք Իսահակյանի տուն-թանգարանում և Ասլամազյան քույրերի պատկերասրահում:

Ամիսը եզրափակեցինք ամփոփիչ միջոցառմամբ։

Հետևե՛ք «Գյումրու երիտասարդների տան» գործունեությանը և սպասեք մեր առաջիկա ծրագրերին։